ဘဝမှာ ခက်ခဲမှုတွေ ရှိလာတဲ့အခါ
ဘုရားက ဘာလို့ ဒီလိုဖြစ်ခွင့်ပြုရတာလဲ ဆိုပြီး အားလုံးက မေးမိတတ်တယ်။

ဒါပေမယ့် ခက်ခဲခြင်းရှိလာတာခြင်းဟာ ဘုရားက သင့်ကို စွန့်ပစ်လိုက်ခြင်းမဟုတ်ပါဘူး။ တစ်ခါတလေ ခက်ခဲမှုက သင့်ယုံကြည်ခြင်းကို ပိုနက်ရှိုင်းစေတယ်။ တစ်ခါတလေ သင့်စရိုက်ကို ပိုကောင်းလာစေတတ်တယ်။ တစ်ခါတလေ ကိုယ်မမြင်ခဲ့တဲ့အရာတွေကို မြင်လာစေတတ်သလ်ို ဘုရားကို လည်း ပိုမှီခိုတတ်လာစေတတ်ပါတယ်။

ပြဿနာက သင့်ဘဝကို ဖျက်ဆီးဖို့လာနိုင်ပေမယ့်၊ ဘုရားသခင်က အဲဒီပြဿနာကိုပင် သင့်ဘဝတည်ဆောက်ဖို့ အသုံးပြုနိုင်တယ်။

ဘု​ရား​သ​ခင်​ကို ချစ်​သော​သူ​တည်း​ဟူ​သော ကြံ​စည်​တော်​မူ​ခြင်း​အ​တိုင်း ခေါ်​တော်​မူ​သော​သူ​တို့၏​အ​ကျိုး​ကို ခပ်​သိမ်း​သော​အ​ရာ​တို့​သည် တ​ညီ​တ​ညွတ်​တည်း ပြု​စု​ကြ​သည်​ကို ငါ​တို့​သိ​ကြ၏။ ရောမ‬ ‭8‬:‭28‬ ‭

ဒါကြောင့် ခက်ခဲမှုကြားမှာ ဘုရားကို မစွန့်ပါနဲ့။ နားမလည်သေးလည်း ဆက်ယုံကြည်ပါ။
မမြင်သေးလည်း ဆက်လျှောက်ပါ။ ဘုရားက ခက်ခဲမှုကို ပေးတာမဟုတ်ပေမယ့်၊ ခက်ခဲမှုတိုင်းကို သင့်အကျိုးအတွက် ပြုစုနိုင်သူပါ။ ပြုလည်းပြုစုနေသူပါ။

ဘုရားကိုဆက်ယုံကြည်ပါ။ ဆက်ပြီး ဆက်ချလိုက်ပါ။

#Word4uToday
#RobinSharing
#MyDevotion

ဒီနေ့ ဘယ်ကိုသွားရမလဲ မသိသေးလည်း မစိုးရိမ်ပါနဲ့။ နောက်တစ်ဆင့် ဘာဖြစ်မလဲ မမြင်သေးလည်း မစိုးရိမ်ပါနဲ့။

ကတိတည်တဲ့ဘုရားက ဆက်ပြီး ပို့ဆောင်လမ်းပြပေးမယ်။ လိုအပ်တာတွေကိုလည်း သူ့အချိန်နဲ့သူ ပြင်ဆင်ပေးမယ်။

သင်က လမ်းတစ်လျှောက်လုံးကို သိဖို့မလိုဘူး။နောက်တစ်လှမ်းကို ဘုရားနဲ့အတူ လျှောက်ဖို့ပဲလိုတယ်။

သင့်​ရှေ့​မှာ ထာ​ဝ​ရ​ဘု​ရား​သည် ကိုယ်​တိုင်​ကြွ၍ သင်​နှင့်​ရှိ​တော်​မူ​လိမ့်​မည်။ သင့်​ကို စွန့်​တော်​မ​မူ၊ ပစ်​ထား​တော်​မ​မူ။ မ​စိုး​ရိမ်​နှင့်၊ စိတ်​မ​ပျက်​နှင့်​ဟု ဣ​သ​ရေ​လ အ​မျိုး​သား​အ​ပေါင်း​တို့​ရှေ့​မှာ ပြော​ဆို၏။ တရားဟောရာ‬ ‭31‬:‭8‬ ‭

ယုံကြည်ပါ။ ဆက်လျှောက်ပါ။ မစိုးရိမ်ပါနဲ့။
ကတိတည်တဲ့ဘုရားက သင့်ကို ဆက်ပြီး ပို့ဆောင်လမ်းပြ၊ ပြင်ဆင်ပေးသွားမှာပါ။

ဘုရားက ဆက်ပြီးပို့ဆောင်သွားမှာပါ။ မစိုးရိမ်ပါနဲ့။ ဘုရားကို ကြည်ပြီးသာ ခရီးဆက်သွားလိုက်ပါ။ အာမင်

#Word4uToday
#RobinSharing
#MyDevotion

ယုံကြည်ခြင်းမရှိဘဲ ဘုရားနဲ့လျှောက်လှမ်းလို့ မရဘူး။ မေတ္တာမရှိဘဲ နာခံခြင်းက တာဝန်တစ်ခုလို ဖြစ်သွားနိုင်တယ်။ နာခံခြင်းမရှိဘဲ ယုံကြည်ခြင်းနဲ့ မေတ္တာကို စကားနဲ့ပြောနေရုံက အသီးဖြစ်မလာနိုင်ဘူး။

ယုံကြည်ခြင်းက ဘုရားကို မှီခိုစေတယ်။ မေတ္တာက ဘုရားအတွက် လုပ်ဆောင်ချင်စေတယ်။ နာခံခြင်းက အဲဒီယုံကြည်ခြင်းနဲ့ မေတ္တာကို လက်တွေ့အသက်တာထဲမှာ မြင်စေတယ်။

သစ်ပင်က အမြစ်ကြောင့် အသက်ရှင်ပြီး အရွက်နဲ့ အသီးအားဖြင့် အပြင်မှာ ပေါ်လာသလို၊ ခရစ်ယာန်အသက်တာမှာလည်း အတွင်းမှာရှိတဲ့ ယုံကြည်ခြင်းနဲ့ မေတ္တာက အပြင်မှာ နာခံခြင်းအဖြစ် ပေါ်ထွက်လာရတယ်။

ယုံကြည်တယ်လို့ ပြောရုံနဲ့ မပြီးဘူး။ မေတ္တာရှိတယ်လို့ ပြောရုံနဲ့လည်း မပြီးဘူး။ ဘုရားစကားကို နာခံပြီး အသက်ရှင်တဲ့အခါ မှသာ အသီးပေါ်လာတယ်။

ငါ​သည် ငါ့​ခ​မည်း​တော်၏​ပ​ညတ်​တို့​ကို စောင့်​ရှောက်၍ ခ​မည်း​တော်၏​မေ​တ္တာ၌ တည်​နေ​သ​ကဲ့​သို့၊ သင်​တို့​သည် ငါ့​ပ​ညတ်​တို့​ကို စောင့်​ရှောက်​လျှင်၊ ငါ့​မေ​တ္တာ၌ တည်​နေ​ကြ​လိမ့်​မည်။ ရှင်ယောဟန်‬ ‭15‬:‭10‬ ‭

အမြစ်ကောင်းပါစေ။ မေတ္တာနဲ့ လှုံ့ဆော်ခြင်းကိုခံရပါစေ။ နာခံခြင်းနဲ့ အသီးသီးပါစေ။

ယုံကြည်ခြင်းက အမြစ်ပါ။
မေတ္တာက လှုံ့ဆော်မှုပါ။
နာခံခြင်းက အသီးပါ။

#Word4uToday
#RobinSharing
#MyDevotion