ခရစ်တော်ကို ယုံကြည်သူလည်း ဆေးရုံရောက်နိုင်တယ်။ မယုံကြည်သူလည်း ဆေးရုံရောက်နိုင်တယ်။ ကွာခြားတာက ဆေးရုံမရောက်ခြင်း မဟုတ်ပါဘူး။ ဆေးရုံရောက်တဲ့အချိန်မှာ ဘယ်သူနဲ့ ရင်ဆိုင်နေရသလဲဆိုတာပါ။”

ခရစ်ယာန်ဖြစ်လာတာနဲ့ ရောဂါ၊ အခက်အခဲ၊ နာကျင်မှုတွေ မရှိတော့ဘူး လို့ ကျမ်းစာက မပြောပါဘူး။ ယေရှုကိုယ်တော်တိုင်ကလည်း လောကမှာ ဆင်းရဲခြင်းရှိမယ်လို့ ပြောခဲ့ပါတယ် (ယောဟန် ၁၆:၃၃)။

ဒါပေမယ့် ယုံကြည်သူမှာ—

➡️ နာကျင်မှုထဲမှာ အထီးကျန်မနေဘူး။ဘုရားသခင်အတူရှိတယ်။
➡️ ကြောက်ရွံ့မှုထဲမှာ မျှော်လင့်ချက်ရှိတယ်။
➡️ မသေချာတဲ့အခြေအနေထဲမှာ ဘုရားသခင်ကို ယုံကြည်နိုင်တယ်။
➡️ ဆုတောင်းနိုင်တယ်။
➡️ ကျန်းမာခြင်းကို တောင်းခံနိုင်တယ်။
➡️ အဖြေမရသေးတဲ့အချိန်မှာတောင် ဘုရားသခင်ကောင်းမြတ်တယ်ဆိုတာကို ဆက်ယုံကြည်နိုင်တယ်။
➡️ နောက်ဆုံးမှာ အသက်ရှင်ခြင်းဖြစ်စေ၊ သေခြင်းဖြစ်စေ ခရစ်တော်၌ မျှော်လင့်ချက်ရှိတယ်။

ဒါကြောင့် ခရစ်တော်ကို ယုံကြည်တာက ဆေးရုံမရောက်ဖို့ အာမခံချက်မဟုတ်ဘူး။ ဆေးရုံရောက်တဲ့အခါ ဘုရားသခင်မရှိဘဲ ရင်ဆိုင်ရတာနဲ့ ဘုရားသခင်ကို ဆုပ်ကိုင်ပြီး ရင်ဆိုင်ရတာကွာတာပါ။”

နောက်တစ်ချက်က ခရစ်ယာန်တစ်ယောက် ဆေးရုံရောက်တာကို “ယုံကြည်ခြင်းမရှိလို့” ဆိုပြီးလည်း မဆုံးဖြတ်သင့်ပါဘူး။ ဖျားနာခြင်းရှိတာဟာ ဘုရားသခင်က စွန့်ပစ်လိုက်ပြီဆိုတဲ့ သက်သေမဟုတ်ပါဘူး။

ယုံကြည်ခြင်းဆိုတာ ငါဘယ်တော့မှ မနာကျင်ရဘူး ဆိုတာမဟုတ်ဘူး။ ငါနာကျင်နေရင်တောင် ဘုရားသခင်ကို မစွန့်လွှတ်ဘူး ဆိုတာပါ။

“ခရစ်တော်ရှိတာကြောင့် ဆေးရုံမရောက်တာမဟုတ်ဘူး။ ဆေးရုံရောက်တဲ့အခါတောင် မျှော်လင့်ချက်မပျောက်ဘဲ ရင်ဆိုင်နိုင်တာက ခရစ်တော်ရှိလို့ပါ။” Amen

“သင်​တို့​သည် ငါ့​ကို​အ​မှီ​ပြု၍ ငြိမ်​သက်​ခြင်း​ရှိ​စေ​ခြင်း​ငှာ ဤ​စ​ကား​ကို​ငါ​ဟော​ပြော​ပြီ။ သင်​တို့​သည် လော​က၌ ဆင်း​ရဲ​ဒု​က္ခ​ကို ခံ​ရ​ကြ​လိမ့်​မည်။ သို့​သော်​လည်း မ​စိုး​ရိမ်​ကြ​နှင့်။ ငါ​သည် လော​က​ကို​အောင်​ပြီ​ဟု မိန့်​တော်​မူ၏။”
‭‭ရှင်ယောဟန်‬ ‭16‬:‭33‬

#Word4uToday
#Robinsharing
#MyDevotion

ဘုရားသခင် ချီးမြှောက်တဲ့အချိန်မှာ တစ်ညတည်းနဲ့ သင့်ဘဝရဲ့ အခြေအနေတွေ ပြောင်းလဲသွားနိုင်တယ်။ ဒါကြောင့် အခြေအနေကို မကြည့်ဘဲ ဘုရားသခင်ကို ကြည့်ပြီး သစ္စာရှိစွာ ဆက်အသက်ရှင်ပါ။

ဒီနေ့ သင့်ဘဝက ဘယ်လိုပဲ ဖြစ်နေပါစေ—
အခြေအနေက သင့်အနာဂတ်ကို ဆုံးဖြတ်ပေးတာ မဟုတ်ဘူး။ ဘုရားသခင်က သင့်အနာဂတ်ကို ကိုင်ထားတာပါ။

တစ်ခါတလေ အဖြေမမြင်ရဘူး။
တံခါးပိတ်နေသလို ခံစားရတယ်။
ကြိုးစားသမျှ အကျိုးမရှိသလို ထင်ရတယ်။

ဒါပေမယ့် ဘုရားသခင်က အခြေအနေတစ်ခုကို ပြောင်းလဲဖို့ အချိန်အများကြီး မလိုဘူး။
တစ်ညတည်းနဲ့ ယောသပ်ရဲ့ အခြေအနေကို ပြောင်းလဲပေးနိုင်သလို၊ သင့်အသက်တာရဲ့ အခြေအနေကိုလည်း ကိုယ်တော် ပြောင်းလဲပေးနိုင်တယ်။ အာမင်

ဒါကြောင့် အခြေအနေကောင်းလာမှ သစ္စာရှိမယ်လို့ မစောင့်ပါနဲ့။ အဖြေမမြင်ရသေးတဲ့အချိန်မှာ သစ္စာရှိပါ။ တံခါးမဖွင့်သေးတဲ့အချိန်မှာ နာခံပါ။ ကောင်းကြီးမမြင်ရသေးတဲ့အချိန်မှာလည်း ဘုရားကို ဆက်ယုံကြည်ပါ။

သင့်အခြေအနေကို မကြည့်ပါနဲ့။
သင့်အခြေအနေထက် ကြီးမြတ်တဲ့ ဘုရားသခင်ကို ကြည့်ပါ။
သစ္စာရှိစွာ ဆက်အသက်ရှင်ပါ
ဘုရားရဲ့ အချိန်ရောက်လာတဲ့အခါ သင့်ဘဝက တစ်ခဏအတွင်း ပြောင်းလဲသွားနိုင်တယ်။

“ထာ​ဝ​ရ​ဘု​ရား​ကို မျှော်​လင့်​သော​သူ​တို့​မူ​ကား၊ အား​ပြည့်​ကြ​လိမ့်​မည်။ ရွှေ​လင်း​တ​ကဲ့​သို့ မိ​မိ​တို့​အ​တောင်​ကို အ​သစ်​ပြု​ပြင်​ကြ​လိမ့်​မည်။ ပြေး​သော်​လည်း မ​ပင်​ပန်း၊ ခ​ရီး​သွား​သော​အ​ခါ မ​မော​ရ​ကြ။” ဟေရှာယ‬ ‭40‬:‭31‬ ‭

#Word4uToday
#RobinSharing
#MyDevotion

ခရစ်ယာန်အသက်တာရဲ့ လျှို့ဝှက်ချက်က ကိုယ့်အစွမ်းအစ မဟုတ်ဘူး။ ကိုယ့်ရဲ့တော်ခြင်းတတ်ခြင်းမဟုတ်ဘူး၊ ကိုယ်လုပ်နိုင်ခြင်းမလုပ်နိုင်ခြင်းမဟုတ်ဘူး။ အရင်းအမြစ်ဖြစ်တဲ့ ခရစ်တော်၌ တည်နေခြင်းပါ။

စပျစ်နွယ်ပင်နဲ့ အခက်ဟာ ခွဲထားလို့ မရဘူး။
အခက်က ကိုယ့်ဘာသာကိုယ် အသီးသီးအောင် ကြိုးစားလို့ မရဘူး။
နွယ်ပင်၌ တည်နေရင် အသီးက သဘာဝအတိုင်း ထွက်လာတယ်။

ဒီလိုပဲ ကျွန်ုပ်တို့ဟာ ခရစ်တော်နဲ့ ကွာပြီး ကိုယ့်အစွမ်းအစနဲ့ ထူးခြားတဲ့ရလဒ်တွေ ထုတ်ဖို့ ကြိုးစားနေတာမဟုတ်ဘူး။

ခရစ်တော်၌ တည်နေပါ။
ကိုယ်တော်ထံမှ ခွန်အားယူပါ။
ကိုယ်တော်ရဲ့ နှုတ်ကပတ်တော်၌ တည်ပါ။
ကိုယ်တော်ကို နာခံပါ။

အဲဒီအခါ သင့်အသက်တာက သင့်အစွမ်းအစတစ်ခုတည်းရဲ့ ရလဒ်ကို မဟုတ်တော့ဘဲ ခရစ်တော်နှင့် ဆက်နွယ်နေခြင်းမှ ထွက်ပေါ်လာတဲ့ အသီးကို မြင်လာရပါလိမ့်မယ်။

သင့်ဘဝကို ထူးခြားအောင်လုပ်ဖို့ ကိုယ့်ကိုယ်ကို ပိုကြိုးစားပြုပြင်နေရုံနဲ့ မလုံလောက်ဘူး။ အသီးသီးနိုင်ဖို့ နွယ်ပင်ဖြစ်တဲ့ ခရစ်တော်နဲ့ ပိုနီးကပ်စွာ တည်နေဖို့လိုတယ်။

“ငါနှင့်ကွာလျှင် သင်တို့သည် အဘယ်အမှုကိုမျှ မတတ်နိုင်ကြ။”
ရှင်ယောဟန် ၁၅:၅ — JBMLE

ခရစ်တော်နဲ့ပိုနီးစေမယ်််််လို့ခံစားစေမယ့် အရာတိုင်းကိုလုပ်ပါ။
ခရစ်တော်နဲ့ ပိုဝေးစေမယ်််််လို့ခံစားစေမယ့် အရာတိုင်းကိုရှောင်ပါ။

သာမန်လူတစ်ယောက်က သာမန်ထက်လွန်ကဲတဲ့ ဘုရားသခင်နဲ့ ချိတ်ဆက်တဲ့အခါ သာမန်ထက်လွန်တဲ့ ရလဒ်တွေ အသက်တာအားဖြင့် ရလာမယ်။

#Word4uToday
#RobinSharing
#MyDevotion

ကျေးဇူးတော်ကြောင့် ဒီနေ့လည်း ဝိညာဉ်သားသမီး ၄ ဦးကို ဘုရားက ရိတိသိမ်းခွင့်ပေးလို့ကျေးဇူးတောိချီးမွမ်းပါတယ်။

သာသနာအတွက် ဆုတောင်းခြင်းပေကမ်းခြင်း အစေခံခြင်းဖြင့်ပါဝင်သူအယောက်တိုင်းကို ဘုရားကောင်းကြီးပေးပါစေ။